Në një situatë të trazuar për familjen mberëtore pas largimit të Harry dhe Meghan si dhe zërave për divorcin e tyre, një tjetër lajm po bën bujë. Simon Charles Dorante-Day, nga Australia pretendon se është fëmija sekret i Charles, Princit të Uells dhe Kamilës, Dukeshës së Cornwell. Ai është aq i vendosur për të provuar teorinë e tij sa pretendon ta çojë çështjen në Gjykatën e Lartë Australiane.

Ai thotë se lindi kur trashëgimtari i fronit ishte 18 vjeç dhe Camilla e cila përfundimisht do të bëhej gruaja e Charles, ishte 19 vjeç. Simon Dorante-Day është i vendosur të provojë teorinë se është ai, dhe jo Princi William është i dyti në linjën e fronit.

Simon Dorante-Day është thotë se ka fotografi familjare që vërtetojnë pretendimin e tij. Ai është shprehur për revistën New Idea: “Gjyshja ime, e cila ka punuar për Mbretëreshën më ka thënë shumë herë se isha djali i Camilla dhe Charles.”

Ai pretendon se i bëri publike pretendimet e tij për Krishtlindje, madje sipas tij, tymnaja e Harry-t dhe Meghan u krijua enkas që të shkëputej vëmendja nga deklarata e tij. Simon lindi në 5 prill të vitit 1966 në Gosport, Hampshire.

Sipas Simon-it, gjyshja e tij adoptuese ka punuar për mbretëreshën Elizabeth dhe princin Philipp dhe kanë qenë këta të dy që kanë vendosur të shpëtonin një herë e mirë prej tij, duke e dhënë për birësim tek Karen dhe David Day.